İnformasiya müharibəsi
İrəvan "Peqov"un saxta məlumatlarının ümidinə qalıb
Ordusunun məğlub olduğunu anlayan Ermənistanın hərbi-siyasi rəhbərliyi acınacaqlı durumdan çıxış yolunu öz xalqını yalan məlumatlarla aldatmaqda görür. Erməni və dünya ictimaiyyətinə feyk xəbərlər verən İrəvan informasiya savaşında əcnəbi "jurnalistlər"in dezinformasiyalarından da istifadə edir.
Bunlardan biri “WarGonzo” internet layihəsi ilə tanınan və Dağlıq Qarabağ separatçılarının mövqeyini dəstəkləyən rusiyalı hərbi jurnalist Semyon Peqovdur. O daha çox Hadrut yalanı ilə gündəmə çevrilmişdi. Azərbaycan Ordusunun nəzarətinə keçən Hadrut qəsəbəsindən guya yeni fotolar çəkdiyini iddia edən Peqovun yaydığı məlumatların saxta olması isə tez bir zamanda üzə çıxdı. Peqovun iddialarının yalan olduğunu “Fact Check Karabakh” səhifəsi faktlarla sübuta yetirib.
"Jurnalist" iddia edirdi ki, çəkdiyi fotolar Hadrut azad olunandan sonraya aiddir və guya qəsəbə ermənilərin əlindədir. Bu saxta məlumatı erməni mediası geniş çəkildə yayırdı. “Fact Check Karabakh” səhifəsi isə sübut etdi ki, Peqovun hər iki fotosundakı bəzi detallar onun 6 oktyabrda Hadrutdan paylaşdığı video reportajda əks olunubmuş. Bu isə fotoların saxta olması anlamına gəlir
